கருப்பைக் கழுத்துப்புற்று நோய் பற்றிய விழிப்புணர்வு

Read in English

இந்தியாவில் பெண்களைத் தாக்குகின்ற புற்றுநோய்களில் கருப்பைக் கழுத்துப் புற்றுநோய் இரண்டாம் இடத்தை வகிக்கிறது .

நாள் ஒன்றுக்கு 11 இந்திய பெண்கள் கருப்பைக் கழுத்துப் புற்றுநோய் நோயாளிகளாகக் கண்டுபிடிக்கப்படுகிறார்கள்.

மிக ஆரம்பத்திலேயே கருப்பைக் கழுத்துப் புற்றுநோயை கண்டறிவதால் இதை முற்றிலும் குணப்படுத்தலாம்.

 

கருப்பைக் கழுத்துப் புற்றுநோயின் ஆரம்ப அறிகுறிகள்:

  1. மாதவிடாயின் போது அதிக இரத்தம் வெளியேறுதல்.
  2. யோனியினூடாக ஒழுங்கற்ற குருதிப் பெருக்கு.
  3. தாம்பத்திய உறவின்பின் யோனியினூடாகக் குருதிப் பெருக்கு.
  4. யோனியினூடாகக் குருதிக் கலந்த அல்லது துர்வாடை கொண்ட திரவப் பெருக்கு.
  5. மாதவிடாய் சக்கரம் முற்றாக நின்றபின் இரத்தப்போக்கு ஏற்படல்.
  6. இரு மாதவிலக்கிற்கு நடுவே இரத்தப் போக்கு ஏற்படுதல்.
  7. அடி வயிற்று வலி.

கருப்பைக் கழுத்துப் புற்றுநோய் ஏற்பட அதிக வாய்ப்புள்ளவர்கள்:

  1. ஹியுமன் பப்பிலோமா வைரஸ் தொற்றுடையவர்கள்.
  2. மிக இளவயதில் பாலியல் நடவடிக்கைகளை ஆரம்பித்தவர்கள்.
  3. ஒன்றுக்கு மேற்பட்ட பாலியல் இணைகளைப் பெற்றவர்கள்.
  4. ஒன்றுக்கு மேற்பட்ட பாலியல் இணைகளைப் கொண்டவர்களை பாலியல் இணையாகப் பெற்றவர்கள்.
  5. புகைப்பழக்கம் உள்ளவர்கள் அல்லது அதிக அளவில் புகைப்பழக்கம் உள்ளவர்களோடு அருகில் இருப்பவர்கள்.
  6. சில நோய்களுக்காக, நோய் எதிர்ப்புச் சக்தியை குறைக்கும் மருந்து வகைகளை எடுத்துகொள்பவர்கள்.
  7. கடந்த காலங்களில் பாலியல் ரீதியாக தொற்றுநோய் வரலாறு கொண்டவர்கள்.
  8. மிக அதிக குழந்தைகளை பெறுபவர்கள்.

கருப்பைக் கழுத்துப் புற்றுநோய் வராமல் தடுக்க:

  1. ஒன்றுக்கு மேற்பட்ட பாலியல் இணைகளை தவிர்த்தல்ஆணுறையை பயன்படுத்துவதன் மூலம் ஹச்பிவி கிருமித்தொற்றைத் தவிர்க்கலாம்.
  2. பாலியல் கிருமித் தொற்றை உடனுக்குடன் வைத்தியம் பார்த்து சரி செய்து கொள்ளவும்.
  3. ஹச்பிவி தடுப்பூசி *9 வயது முதல் 14 வயது வரை உள்ள சிறுமிகள் இரண்டு தடவை தடுப்பூசி போட்டுக் கொள்ளவும் .  *15 வயது மேலான பெண்கள் நோய் எதிர்ப்பு சக்தி குறைந்தவர்கள் மூன்று தடவை போடலாம்.
  4. புகையிலை சம்பந்தமான பொருட்களை தவிர்க்கவும்.
  5. சிறு வயதிலேயே பாலியல் நடவடிக்கைகளைத் தடுத்தல்
  6. அதிக குழந்தைகள் பெறுவதை தடுக்க சரியான கருத்தடை முறைகளை கடைப்பிடிக்க வேண்டும்.

கருப்பைக் கழுத்துப் புற்றுநோயை ஆரம்ப நிலையில் கண்டுபிடிக்க பரிசோதனைகள்:
இந்த பரிசோதனை வெளிநோயாளியாக செய்துக்கொள்ளலாம். வலி இல்லா பரிசோதனையாகும்.

  1. பேப் பரிசோதனை(Pap smear Test):

    இது கருப்பைக் கழுத்துப் பகுதியில் செய்யப்படுவது.
  2. ஹச்பிவி டிஎன்ஏ பரிசோதனை(HPV DNA).

யார் பேப் பரிசோதனை பரிந்துரை செய்யப்படுகிறார்?

  1. பேப் பரிசோதனை ஆரோக்கியமாக வாழும் பெண்களுக்குரிய பரிசோதனையாகும்.
    முதலாவது தாம்பத்திய பாலியல் நடவடிக்கைகளை ஆரம்பித்து 5 வருடங்கள் பின்னர், எல்லாப் பெண்களுக்கும் பரிந்துரை செய்யப்படுகின்றது.
  2. 30 வயதுக்கு மேற்பட்ட எல்லா பெண்களும் செய்து கொள்ளலாம்.  

எப்பொழுது செய்ய வேண்டும்?

மாதவிடாய் ஆரம்பித்து 10 முதல் 20 நாள் வரையில் இந்த பரிசோதனையை செய்து கொள்ளலாம்.   

பேப் பரிசோதனை தேவையில்லாதவர்கள்:

  1. 20 வயதுக்கு உட்பட்ட பெண்கள்.
  2. 65 வயதை கடந்த பெண்கள், முந்தைய பேப் பரிசோதனை சரியாக இருப்பவர்கள்.
  3. கருப்பையை வேறு காரணங்களுக்காக அறுவை சிகிச்சையால் அகற்றியவர்கள்.

Read in English